جبیر بن مطعم (رض) کہتے ہیں کہ میں نے رسول اللہ ﷺ کو دیکھا کہ جس وقت آپ نماز میں داخل ہوئے تو آپ نے الله أكبر کبيرا تین مرتبہ، الحمد لله كثيرا تین مرتبہ، سبحان الله بكرة وأصيلا تین مرتبہ کہا، اور پھر اللهم إني أعوذ بک من الشيطان الرجيم من همزه ونفخه ونفثه پڑھا اے اللہ ! میں مردود شیطان کے جنون، وسوسے اور کبر و غرور سے تیری پناہ چاہتا ہوں ١ ؎۔ عمرو بن مرہ کہتے ہیں کہ شیطان کا ہمز اس کا جنون، نفث اس کا شعر ہے، اور نفخ اس کا کبر ہے۔

تخریج دارالدعوہ : سنن ابی داود/الصلاة ١٢١ (٧٦٤) ، (تحفة الأشراف : ٣١٩٩) ، وقد أخرجہ : مسند احمد (١/٤٠٣، ٤٠٤، ٣/٥٠، ٤/٨٠، ٨١، ٨٣، ٨٥، ٦/١٥٦) (ضعیف) (سند میں عاصم عنزی کی صرف ابن حبان نے توثیق کی ہے، یعنی وہ مجہول ہیں، نیز عاصم کے نام میں بھی اختلاف ہے، لیکن آخری ٹکڑا : اللهم إني أعوذ بک من الشيطان الرجيم ثابت ہے، نیز ملاحظہ ہو : الإرواء ٢ /٥٤ )

وضاحت : ١ ؎: جو شخص متبع سنت ہو اس کو چاہیے کہ کبھی سبحانک اللهم پڑھے، کبھی اللهم باعد بيني ..، کبھی إني وجهت ، اور کبھی حدیث میں مذکور یہ دعا اور ہر وہ دعا جو اس موقع پر صحیح اور ثابت ہے، تاکہ ہر ایک سنت کا ثواب ہاتھ آئے، یہ ایسی نعمت غیر مترقبہ ہے جس سے دوسرے لوگ ہمیشہ محروم رہتے ہیں۔

Sunan Ibn Majah

Sunan Ibn Majah