عقبہ بن عامر (رض) سے روایت ہے کہ رسول اللہ ﷺ نے انہیں بکریاں دیں تاکہ وہ قربانی کے لیے صحابہ کرام کے درمیان تقسیم کردیں، ایک «عتود» (بکری کا ایک سال کا فربہ بچہ) یا «جدي» ١ ؎ باقی بچ گیا، میں نے رسول اللہ ﷺ سے اس کا تذکرہ کیا، تو آپ نے فرمایا : تم اس کی قربانی خود کرلو ۔

امام ترمذی کہتے ہیں : ١ - یہ حدیث حسن صحیح ہے، ٢ - وکیع کہتے ہیں : بھیڑ کا جذع، چھ یا سات ماہ کا بچہ ہوتا ہے۔ ٣ - عقبہ بن عامر سے دوسری سند سے روایت ہے کہ رسول اللہ ﷺ نے قربانی کے جانور تقسیم کیے، ایک جذعہ باقی بچ گیا، میں نے نبی اکرم ﷺ سے اس کے بارے میں پوچھا تو آپ نے فرمایا : تم اس کی قربانی خود کرلو ۔

تخریج دارالدعوہ : صحیح البخاری/الوکالة ١ (٢٣٠٠) ، والشرکة ١٢ (٢٥٠٠) ، والأضاحي ٢ (٥٥٤٧) ، و ٧ (٥٥٥٥) ، صحیح مسلم/الأضاحي ٢ (١٩٦٥) ، سنن النسائی/الضحایا ١٣ (٤٣٨٤- ٤٣٨٦) ، سنن ابن ماجہ/الأضاحي ٧ (٣١٣٨) ، (تحفة الأشراف : ٩٩٥٥) ، و مسند احمد (٤/١٤٤، ١٤٩، ١٥٢، ١٥٦) ، سنن الدارمی/الأضاحي ٤ (١٩٩٦) (صحیح )

وضاحت : ١ ؎ : راوی کو شک ہوگیا ہے کہ «عتود» کہا یا «جدی»۔

قال الشيخ الألباني : صحيح، ابن ماجة (3138)

صحيح وضعيف سنن الترمذي الألباني : حديث نمبر 1500

Jami at-Tirmidhi

Jami at-Tirmidhi