عبداللہ بن مسعود (رض) کہتے ہیں کہ رسول اللہ ﷺ نے فرمایا : «صلاة وسطیٰ» عصر کی صلاۃ ہے ١ ؎۔

امام ترمذی کہتے ہیں :

یہ حدیث حسن صحیح ہے۔

تخریج دارالدعوہ : صحیح مسلم/المساجد ٣٦ (٦٢٨) ، سنن ابن ماجہ/الصلاة ٦ (٦٨٦) ، ( تحفة الأشراف : ٩٥٤٨) ، مسند احمد (١/٤٠٤، ٤٥٦) ، (ویأتی عند المؤلف فی تفسیر البقرة (٢٩٨٥) (صحیح)

وضاحت : ١ ؎ : «وسطیٰ» یہ اس لیے ہے کہ یہ دن اور رات کی نمازوں کی بیچ میں واقع ہے۔

قال الشيخ الألباني : صحيح، المشکاة (634)

صحيح وضعيف سنن الترمذي الألباني : حديث نمبر 181

امام ترمذی کہتے ہیں : ١- «صلاة وسطیٰ» کے سلسلہ میں سمرہ کی حدیث حسن ہے، ٢- اس باب میں علی، عبداللہ بن مسعود، زید بن ثابت، عائشہ، حفصہ، ابوہریرہ اور ابوہاشم بن عقبہ (رض) سے بھی احادیث آئی ہیں، ٣- محمد بن اسماعیل بخاری کہتے ہیں کہ علی بن عبداللہ (ابن المدینی) کا کہنا ہے : حسن بصری کی حدیث جسے انہوں نے سمرہ بن جندب سے روایت کیا ہے، صحیح حدیث ہے، جسے انہوں نے سمرۃ سے سنا ہے، ٤- صحابہ کرام اور ان کے علاوہ دیگر لوگوں میں سے اکثر اہل علم کا یہی قول ہے، زید بن ثابت اور عائشہ (رض) کا کہنا ہے کہ «صلاة وسطیٰ» ظہر کی صلاۃ ہے، ابن عباس اور ابن عمر (رض) کہتے ہیں کہ «صلاة وسطیٰ» صبح کی صلاۃ (یعنی فجر) ہے

تخریج دارالدعوہ : تفرد بہ المؤلف، ویأتی عندہ فی تفسیر البقرة (٢٩٨٣) ، ( تحفة الأشراف : ٤٦٠٢) (صحیح) (سابقہ حدیث سے تقویت پا کر یہ صحیح لغیرہ ہے، حسن بصری کے سمرہ (رض) سے سماع میں اختلاف ہے، نیز قتادہ اور حسن بصری مدلس ہیں اور روایت عنعنہ سے ہے)

وضاحت : ١ ؎ : «صلاۃ وسطیٰ» سے کون سی صلاۃ مراد ہے اس بارے میں مختلف حدیثیں وارد ہیں صحیح قول یہی ہے کہ اس سے مراد صلاۃ عصر ہے یہی اکثر صحابہ اور تابعین کا مذہب ہے ، امام ابوحنیفہ ، امام احمد بھی اسی طرف گئے ہیں۔ ٢ ؎ : امام مالک اور امام شافعی کا مشہور مذہب یہی ہے۔

قال الشيخ الألباني : صحيح (بما قبله) ، المشکاة (634)

صحيح وضعيف سنن الترمذي الألباني : حديث نمبر 182

Jami at-Tirmidhi

Jami at-Tirmidhi